الجزء 2 ..

الحقيقة لا ترى إلا من خلال العين و إن رأيت الحقيقة من عين غيرك فهذه  ليست حقيقتك
بعد أحداث مسرح البالون كان هناك تمسك جديد ورؤيه مختلفة
وكانت الحياة متوقفة لترى كل الأشياء الجديدة فى مطلع شهر يوليو من نفس العام 2011
نزلت الميدان فى 8 يوليو و مكثت هناك حتى نهاية الاعتصام بالفض فى أول أيام شهر رمضان
تعرفت على اشخاص جدد لم التقى بهم فى حياتى و تعلمت الكثير من الأشياء و كنت كل يوم أريد أن اتعلم الجديد
الميدان كان مليان ناس و مكنتش اعرف حد و كان سنى صغير و بنسالى الموضوع مختلف  اول يوم عدى عادى و نمت فى جامع عمر مكرم و لما طلع عليا الصبح أبتديت اسمع مناقشات من ناس قاعد و واحدة واحدة ابتديت افهم الاعتصام اصلا علشان ايه و كان علشان تصحيح مسار الثورة
و المطالب كانت محاسبة المسؤولين عن قتل شهداء 25 يناير
 الضغط على المجلس العسكرى للتنازل عن السلطة و إجراء انتخابات
 عاجلة
إلغاء محاكمة المدنين عسكريا
رفع الحد الأدنى للأجور
تحديد الحد الأقصى للأجور
تطهير جهاز وزارة الداخلية
طبعا انا بردو مكنتش فاهم حاجة لسه و ابتديت اقعد مع ناس من المعتصمين و اتكلم معاهم و بصراحة الموضوع كان جميل و كنت حاسس انى بعمل حاجة لبلدى
اعترفت على ناس كتير و ابتديت اتكلم اكتر و افهم اكتر و أتعرف على ناس اكتر و نسيت كل حاجة بره الميدان و فجأة جالى رسالة أن كتب كتاب اختى يوم الجمعة الجاية و لازم أكون موجود مكنتش عاوز امشى من الميدان و ودعت الأصحاب على أمل انى أقابلهم لما ارجع
كنت ابتديت أكون جزء صغير جدا من الموضوع و بقيت حاسس انى بعمل حاجة حتى لو كانت بسيطة بس موجود و حاضر
رجعت البيت يوم الخميس 21 و كنت سايب عقلى و روحى فى الميدان
السبت 23 يوليو و بعد كتب الكتاب بيوم قررت انى ارجع الميدان و كان فيه رفض من أهلى كبير و ازاى وانا لسه عندى 15 سنة اعرض نفسى للخطر ده و رجعت الميدان
مفيش حد موجود هيا الناس راحت فين ادور مش لاقى طب أسأل مين لقيت واحد أعرفه و سألته عن الناس قالى مشيو فى مسيرة لوزارة الدفاع قلتله دى بتتراح ازاى قالى امشى لحد المتحف و أحود يمين على طول قولت ماشى
مشيت و كانت المسيرة بعيدة جدا لدرجة انى مكنتش شايفها فضلت أجرى فى نفس الاتجاه لحد ما لقيت اعلام على مد شوفى قولت الحمد لله لحقتهم و أبتديت اشوف الناس اللى أعرفها واحد ورا واحد و وصلت لمقدمت المسيرة و كان فيه بنوتة بتخاف عليا جدا علشان انا طفل وكده قالتلى أرجع ورا و انا طبعا عرفت اهرب منها و طلعت قدام و لقينا قدامنا كردون أمنى و خلفه مدرعات من الشرطة العسكرية بظبط قدام مسجد النور بالعباسية 
ابتدى الناس تريح من المشوار و تشرب و تتكلم  مع الظباط احنا ليه واقفين هنا و بدون سابق إنذار  و كأنها ساعة الصفر ابتدى العساكر يضربو نار و صوت الرصاص ملى المكان بالكامل ابتدى الناس من فوق العمارات ترمى علينا طوب و رخام و مش بس كدا احنا اتحاصرنا و فيه ناس معرفتش تخرج و حصل إشتباك مع الأهالى كمان و هما اللى كان معاهم خرطوش و برعاية الشرطة العسكرية
لما حاولت أخرج و امشى ناس و قفتنى و جريت منهم لحد ما قابلت صديق و قالى تعالى معايا متخافش و مشينا لحد ما قابلنا الناس ديه تانى و ضربونا وانا قدرت اهرب منهم و نزلت على شريط ترام جمب محطة الدمرداش و نطيت جوه المحطة و الخوف مسيطر عليا نزلت تانى محطة على طول و كانت غمرة و رجعت الميدان بجرى
اللى حصل اليوم ده ان فيه شاب اسمه محمد محسن سقط عليه حجر كبير على رأسه و دخل غيبوبة و بعديها  بكام يوم استشهد
الصديق اللى كان معايا تم اختطافه و اتهامه بالجاسوسية
 رجعت الميدان و كل حاجة ابتدت تسوء و ناس كتير متعورة
فى الوقت ده خرج علينا الفنجرى فى خطاب من المجلس العسكرى و كان بيهدد المتظاهرين بصباعه
فى نفس الاسبوع ده تم الاعتداء على الميدان من قبل بلطجية و لم يتمكنو من فض الاعتصام
فى نفس الوقت كان فيه حشد مليونية من جميع القوى الإسلامية و كانت المليونية الشهيرة بجمعة قندهار
يوم الخميس اللى قبل جمعة قندهار حصل مشاكل كتير مع القوى الإسلامية اللى كانت بتحاول تعمل منصة و منعت المعتصمين من الاقتراب منها و تم تعليق لافتات مؤيدة للمجلس العسكرى فى الميدان
عمرى ما هنسى انهم هتفو فى قلب ميدان التحرير يا مشير انت الأمير
هنا ممكن نقول أن القوى الإسلامية كانت فى تحالف عظيم مع المجلس العسكرى و كان المشير طنطاوى بنسبالهم هو الأمير فعلا
انتهى اليوم و ناس زهقت و فيه ناس كتير مشيت إلا قلة و تم نقل الاعتصام من الصنية الموجودة فى ميدان التحرير إلى منطقة المجمع الموجودة داخل الميدان أيضا
فى أول أيام شهر رمضان تم فض الاعتصام و القبض على المتظاهريين 
فى يوم 3 رمضان الموافق 3/8/2011 انتقل الى رحمة الله تعالى الشهيد محمد محسن
فى يوم 5 رمضان تم عمل إفطار فى ميدان التحرير لعدم الاستلام من فض الاعتصام و تم فض الإفطار أيضا من قبل قوات الشرطة العسكرية اللى كانت واقفة بتحمى صنية ميدان التحرير و تم ضرب بعض المتظاهرين و سحلهم
ذهب من تبقى إلى عزاء محمد محسن فى الدقى 
ممكن احكي عن أول حضن من بنت فى حياتى كان فى اليوم ده برضو وكانت هيا هيا اللى هربت منها فى العباسية و اللى فضلت تعاملنى لحد وقت قريب على انى أخ ليها و بتخاف عليا و كان الحضن علشان تحسسنى بالامان 

الجزء الأول .

بداية كل حكاية تأتى فى اللحظة التى يحذر الإنسان بالخوف فيها سواء كان الخوف من الفراق أو فقدان شيئ عزيز عليه أو الخروج من متعه ما ولكن هذه المرة الأمر مختلف ....
لا أتذكر كنا فى اى يوم من أيام الأسبوع و لكن أتذكر انه التاسع من أكتوبر عام 2011
كانت هناك مظاهرة لمجموعة من الشباب الأقباط يوم 6/10 من نفس العام قبل المذبحة بثلاث ايام و كانت المظاهرة لمنع هدم الكنائس و تم تفريق المظاهرة من قبل الشرطة العسكرية و تم نشر فيديو عبر الانترنت كان فيه أفراد الشرطة العسكرية يسحلون شاب من أعلى كوبرى أكتوبر فى اتجاه ماسبيرو .
ذالك المشهد آثار غضب الكثير من الشباب  كيف لنا بعد ثورة قامت على الظلم أن نرى مشهد هكذا ولا نتحرك لإيقاف هذه الأفعال التى قامت الثورة من إنهائها
كنت صغيرا فى السن أثناء كل تلك الأحداث ولكن كنت أرى أن السن غير مهم لاعترض على تلك الأفعال التى تحدث
قررت مجموعة من الشباب أن تخرج فى مسيرة من أجل ما نزل له تلك الشاب و سحله كان مشعان من النار أغضب كل من رأى تلك الفيديو .
قررت النزول فى المسيرة التى كانت مقرر لها أن تنطلق من شبرا إلى مقر الإذاعة و التلفزيون 'ماسبيرو'
قبل المسيرة بيوم كنت أتحدث مع صديق عبر الانترنت و كنت قلق من هذه المسيرة
كانت البلاد فى هذه الأثناء تخضع للحكم العسكرى بعد ثورة أطاحت بالمخلوع مبارك و استمرت الأحداث بعد ذالك الخلع ما بين الجيش و المتظاهرين فى كل المظاهرات بعد 11 فبراير و كانت الشرطة شبه مختفية حتى 28يونيه فى مسرح البالون
استمرت الاعتصامات فى مصر بعد الثورة و كان فض اول اعتصام كان يوم 9 مارس و تم القبض على عدد كبير من المتظاهرين من قبل قوات من الشرطة العسكرية و قوات المظلات و الصاعقة و تعذيبهم فى المتحف المصرى بجوار ميدان التحرير و حكم على بعض المتظاهرين بأحكام عسكرية
فى نفس الشهر قام ما تبقى من جهاز أمن الدولة من حرق المستندات الخاصة بالنظام فى جميع مقراتها فى أنحاء الجمهورية لتخفى كل المعلومات
فى مطلع شهر أبريل و بالتحديد 8ابريل قام  المتظاهرين بالتجمع مرة أخرى فى الميدان و خوض جولة جديدة مع الحاكم العسكرى للتنازل عن السلطة و انظم للمتظاهرين ضباط بالجيش المصرى و استمرت المظاهرات حتى المساء و لكن لم تكن الأمور بتلك البساطة فقامت قوات من الجيش فى وقت متأخر من الليل بإقتحام الميدان و أخلائه بالقوة و لم يعرف عن الضباط أى شيئ حتى الآن
فى يوم 15 مايو كانت هناك مظاهرة لإحياء ذكرى الانتفاضة الفلسطينية أمام سفارة إسرائيل  و تم الاعتداء على المتظاهرين و كانت هناك جملة قالها أحد الظباط المسؤلين عن حماية المبنى لن ينساها أحد ''لباسك يقع قبل العلم''ل
فى يوم 28 يونيه كانت هناك حفلة لمصابي الثورة فى مسرح البالون و قامت الداخلية ولأول مرة بعد جمعة الغضب النزول و ضرب المصابين تطورت الأحداث إلى أن وصلت إلى ميدان التحرير و إلى وزارة الداخلية و انتهت هذه الأحداث بعد يوم كام و نزول قوات من الجيش لحماية وزارة الداخلية لعدم مقدرتهم على حماية أنفسهم

الحكاية

بسم الله الرحمن الرحيم
اولا :-
عندما كنت فى ال15 عشر من العمر رأيت الموتى امام عينى و ظللت احلم بهم 3 ايام متواصل و كانت حالتى النفسية قد انهارت و لكن اصرر على الاستمرار
جاء 19 نوفمبر و نحن وسط الاصدقاء و الموت يحيط بالمكان بالكامل و صمدنا 5 ايام و الكلاب بعونا علشان السلطة
يمكن بعد المعركة ديه تحولت حياتى بالكامل حتى اصبحت ثورى من كل ما املك
تعرفت على الافكار الجديدة بنسبة لى و تعمقت و عرفت الكثير و الكثير
ثم جاء الشتاء بغيمته المطلة علينا و صوت الناس محدش يرجع
خلاصة الكلام بعد كده كسب مرسى فى بداية صيف 2012 و قد انهارت الثورة و لكن كيف تنهار و هناك دولة عميقة لا تريد الاخوان فى الحكم
تجمع عدد كبير من الشباب حول فكرة معينة و بدأ الاندماج بينهم و بدأ كره الشباب للاخوان يدفعهم لما هو افظع
تحولت الناس الى اشباح تطارد الاخوان فى كل مكان و زمان حتى جاء العرص ببيانه
لكن السؤال الان هل انتهى الاخوان
الاخوان منظمة كبيرة و صعب انها تنهار بالسهولة ديه
كل مؤساسات الدولة بتلعب بيزنس او بمعنى صح بتلعب على المصلحة
ليس من مصلحة المؤسسة العسكرية ان الاخوان ينتهو علشان الارهاب يفضل موجود و ده بتصريح من الشعب اللى فاكر ان فيه ارهاب
ليس من مصلحة الاخوان القضاء على المؤسسة العسكرية لانها هى الحامى الوحيد لها فى السلطة المستقبلية
ليس للشباب رأى فى السلطة لانها تقوم على مصالح مشتركة ما بين احزاب (معارضة،مؤيدة)
اين حق من قتلو من 25/1/2011 حتى هذه اللحظة التى تقرأ فيها
اين حق اصيبو من 25/1/2011 حتى هذه اللحظة اللتى تقرأ فيها
نسى البعض من ضحو من اجل ان يكون هناك مرشح اخر للرئاسة
نسى البعض حلم التغير
نسى البعض كل شيئ
و لكن الان يجب التحدث بكل ما مضى
الاخوان كلاب سلطة و طول عمرهم نفسهم يسيطرو على المنطقة العربية و تكون تحت سيطرة الاخوان
اشباه الثوار كل نفسهم فى فلورز على تويتر و البعض منهم يستغل صحوبية شهيد علشان يعرف يبيع فى دمه و يتاجر بيه
المرتزقة اللى شاغلين مع السلطة اللى بيفتعلو اشتباكات علشان يكون فيه قلق فى مكان معين لمصلحة معينة مثل
(اشتباكات الكورنيش اللى كانت فى عهد مرسى علشان خيرت الشاطر كان عاوز يشترى فندق سيراميس)
الكلاب اللى بتشتغل فى اجهزة امنية اللى عندهم شهرة موسعة واللى موجدين من قبل قيام الثورة
للحديث بقية ......

الثورة مش بس سياسة

بداية الكلام احب اوجه الرسالة ديه لاصدقائى
عن فكرة الثورة و النضال ضد النظام
النظام اللى بيفرض علينا اننا نصنف ده حسب اللون و الدين والفكر والارض و الجنس
الفكرة ان البشر كلهم ليهم حق فى العيش و التمتع بكل شيئ على هذه الحياة مهما كان مين
الفرق مش باين و مش واضح و مش مهم ليا لان كلنا بشر
سيبوكم من كل ده ده كلام كبيبر و هيتقال عليه مثالى زيادة عن اللزوم .. قشطة

النقطة المهمة اللى حابب اتكلم فيها ان بجد الثورة مش مجرد لعبة سياسية و رئيس يجى و رئيس يمشى
الثورة بنسبالى هو التحرر من كامل القيود المفروضة عليك لظلم البشرية
وعلشان كده احنا مش قادرين نفرق ما بين الثورة و اللعبة السياسية
الثورة بجد اللى تغيرك لو كنت ظالم منها تشوف الحقيقة
لازم نبص للبشر على انهم سواسية فى كل حاجة

واللى بيحاول يمنع ده هو مضاد للثورة و شكرا 

جزء من الحقيقة

الخير و الشر
كل حاجة بنعملها على انها خير ممكن تكون شر لغيرنا
الصح و الغلط نسب
الحروب مزيفة
العدل مش موجود
المثالية لن تتحقق
الثواب و العقاب
الجنة و نعيمها
النار و من فيها
الدنيا للموت مش للحياة
الحب نسبى
الحبيب يخدع
القلب علق
الحقيقة ناقصة
الصحاب اشكال
الاخوة
الحشيش
السجاير
الخمرة
المصالح
العفن
الدم
ماسبيرو
محمد محمود
العباسية
الاتحادية
جمعة الرحيل 11/2/2011
9 مارس
9 ابريل
مجلس الشورى
الكورة
الوطن
الخيانة
البشرية
الانسانية
الحقوق
الكدب
الصدق
الجمالية
زينهم
معهد ناصر
الاولتراس
وقفة العيد
6/6/2013
سفارة سورية
ايام العزلة الاولى
الحورات
وزارة الثقافة 

الحكاية

البداية ظلم
والنهاية ظلم
الظالم اصبح مظلوم و محبوب
و الخاين اصبح ظالم
والناس اللى مع الحق لساها معاه
اللى كان بيتحالف مع الظالم بقى ضحية
كلنا عارفين انهم اغبيا و كلاب سلطة بس ادائهم كان وحش
و الاوغاد عرفو يرجعو حقهم من الخونة اللى كانو فاشخينهم فى افكارهم
واحد اتولد و اتربى على الخيانة و التانى اتولد و اتربى على القمع
و الدنيا دوارة على الاتنين
تحالفو مع الشيطان علشان الشيوعين
بعد ما كان سجناء
هبا قلبو على الشيطان و قتلوه
قام جه شيطان تانى و جاب وزير قمع قدر يسيطر عليهم
جه حبة شباب عاوزين حرية و عدل و كانو ميعرفوش ان وسطهم خونة
الخونة اتاحدو مع شيطان اخر و راحو السلطة
هب الشيطان قلب عليهم و قالهم مع السلامة

المجد كل المجد لكل من مات من اجل ايمانه بقضية حقيقية 

الانسانية المفقودة

لما كنت صغير مكنتش فاهم حاجات كتير

مكنتش فاهم ان ممكن يكون فيه عدالة اجتماعية 

مكنتش اعرف يعنى ايه عدالة اجتماعية 

الانسانية كمان مكنتش اعرفها 

و بعدين يعنى ايه انسانية و مفيش حد حاسس بحد 

الانسانية مش بس بتتلخص فى موت انسان او غلط انه يموت 

الانسانيى اللى بجد واللى عمرها ما هتتحقق فى هذا العالم 

ان فيه بشر محتاجين يعيشو يوم حلو ده حلم حياتهم 

نفسهم يعيشو فى سلام و ان مفيش حد يجبرهم على حاجة 

الحياة محتاجة احساس مش كلام و بس 

مش انك تتحدث عن الانسانية و تقول حرام حد يموت علشان سلطة وانت عايش حياتك و مقضيها 

انت زى السلطة 

انت بتتعامل مع الناس بكل قذارة علشان مجرد انت راكب عرابية او تاكسى 

مش عاجبك حد علشان انت مش منهم 

اللى مش من الناس اللى تحت فى القاع عمره ما هيحس بيهم حتى لو مات 

لو جربت تجوع هيكون بمزاجك 

لو جربت تعطش هيكون بمزاجك 

لو جربت تتعالج بأبسط شيئ هيكون برضو بمزاجك 

انت غيرهم 

فيه ناس فعلا حلمها انها ترابى ولادها و تخليهم احسن ناس و ده مقابل اى شيئ 

عمرك فكرت تعيش يوم فى اى مكان بتقرف لما تيجى سيرته 

طبعا لا 

طب فكرت تاكل من الزبالة فى يوم 

طبعا لا 

طب فكرت تاخد بواقى اكل مطعم شغال فيه علشان تخلى اولادك يفرحو انك جايب لحمة و مش هاممهم انها بواقى 

طبعا لا 

اخرت الكلام بقى 

                                                             انت فوق و هما تحت