الثورة مش بس سياسة

بداية الكلام احب اوجه الرسالة ديه لاصدقائى
عن فكرة الثورة و النضال ضد النظام
النظام اللى بيفرض علينا اننا نصنف ده حسب اللون و الدين والفكر والارض و الجنس
الفكرة ان البشر كلهم ليهم حق فى العيش و التمتع بكل شيئ على هذه الحياة مهما كان مين
الفرق مش باين و مش واضح و مش مهم ليا لان كلنا بشر
سيبوكم من كل ده ده كلام كبيبر و هيتقال عليه مثالى زيادة عن اللزوم .. قشطة

النقطة المهمة اللى حابب اتكلم فيها ان بجد الثورة مش مجرد لعبة سياسية و رئيس يجى و رئيس يمشى
الثورة بنسبالى هو التحرر من كامل القيود المفروضة عليك لظلم البشرية
وعلشان كده احنا مش قادرين نفرق ما بين الثورة و اللعبة السياسية
الثورة بجد اللى تغيرك لو كنت ظالم منها تشوف الحقيقة
لازم نبص للبشر على انهم سواسية فى كل حاجة

واللى بيحاول يمنع ده هو مضاد للثورة و شكرا 

جزء من الحقيقة

الخير و الشر
كل حاجة بنعملها على انها خير ممكن تكون شر لغيرنا
الصح و الغلط نسب
الحروب مزيفة
العدل مش موجود
المثالية لن تتحقق
الثواب و العقاب
الجنة و نعيمها
النار و من فيها
الدنيا للموت مش للحياة
الحب نسبى
الحبيب يخدع
القلب علق
الحقيقة ناقصة
الصحاب اشكال
الاخوة
الحشيش
السجاير
الخمرة
المصالح
العفن
الدم
ماسبيرو
محمد محمود
العباسية
الاتحادية
جمعة الرحيل 11/2/2011
9 مارس
9 ابريل
مجلس الشورى
الكورة
الوطن
الخيانة
البشرية
الانسانية
الحقوق
الكدب
الصدق
الجمالية
زينهم
معهد ناصر
الاولتراس
وقفة العيد
6/6/2013
سفارة سورية
ايام العزلة الاولى
الحورات
وزارة الثقافة 

الحكاية

البداية ظلم
والنهاية ظلم
الظالم اصبح مظلوم و محبوب
و الخاين اصبح ظالم
والناس اللى مع الحق لساها معاه
اللى كان بيتحالف مع الظالم بقى ضحية
كلنا عارفين انهم اغبيا و كلاب سلطة بس ادائهم كان وحش
و الاوغاد عرفو يرجعو حقهم من الخونة اللى كانو فاشخينهم فى افكارهم
واحد اتولد و اتربى على الخيانة و التانى اتولد و اتربى على القمع
و الدنيا دوارة على الاتنين
تحالفو مع الشيطان علشان الشيوعين
بعد ما كان سجناء
هبا قلبو على الشيطان و قتلوه
قام جه شيطان تانى و جاب وزير قمع قدر يسيطر عليهم
جه حبة شباب عاوزين حرية و عدل و كانو ميعرفوش ان وسطهم خونة
الخونة اتاحدو مع شيطان اخر و راحو السلطة
هب الشيطان قلب عليهم و قالهم مع السلامة

المجد كل المجد لكل من مات من اجل ايمانه بقضية حقيقية 

الانسانية المفقودة

لما كنت صغير مكنتش فاهم حاجات كتير

مكنتش فاهم ان ممكن يكون فيه عدالة اجتماعية 

مكنتش اعرف يعنى ايه عدالة اجتماعية 

الانسانية كمان مكنتش اعرفها 

و بعدين يعنى ايه انسانية و مفيش حد حاسس بحد 

الانسانية مش بس بتتلخص فى موت انسان او غلط انه يموت 

الانسانيى اللى بجد واللى عمرها ما هتتحقق فى هذا العالم 

ان فيه بشر محتاجين يعيشو يوم حلو ده حلم حياتهم 

نفسهم يعيشو فى سلام و ان مفيش حد يجبرهم على حاجة 

الحياة محتاجة احساس مش كلام و بس 

مش انك تتحدث عن الانسانية و تقول حرام حد يموت علشان سلطة وانت عايش حياتك و مقضيها 

انت زى السلطة 

انت بتتعامل مع الناس بكل قذارة علشان مجرد انت راكب عرابية او تاكسى 

مش عاجبك حد علشان انت مش منهم 

اللى مش من الناس اللى تحت فى القاع عمره ما هيحس بيهم حتى لو مات 

لو جربت تجوع هيكون بمزاجك 

لو جربت تعطش هيكون بمزاجك 

لو جربت تتعالج بأبسط شيئ هيكون برضو بمزاجك 

انت غيرهم 

فيه ناس فعلا حلمها انها ترابى ولادها و تخليهم احسن ناس و ده مقابل اى شيئ 

عمرك فكرت تعيش يوم فى اى مكان بتقرف لما تيجى سيرته 

طبعا لا 

طب فكرت تاكل من الزبالة فى يوم 

طبعا لا 

طب فكرت تاخد بواقى اكل مطعم شغال فيه علشان تخلى اولادك يفرحو انك جايب لحمة و مش هاممهم انها بواقى 

طبعا لا 

اخرت الكلام بقى 

                                                             انت فوق و هما تحت 

الخيانة و التبرير

قالو الانتخابات اهم و جريو على الانتخابات
قالو ايه اللى وداها هناك و العباية كباسيل
قالو الرئاسة و الثورة المستمرة
قالو لازم نشتغل و مش لازم 100 يوم يعنى
قالو مينفعش حد يتظار ضد ارادة الشعب
فاكريم لما كان مفيش مشاكل بين العسكر و كلابه و الاخوان و كلابهم
فاكرين تبرير عبدالرحمن عز للداخلية
طب فاكرين مجلس الشعب لما الكتتاتنى قال وزير الداخلية قالى ان مفيش خرطوش
طب فاكرين لما كنا بنموت و يتقال علينا بلطجية
بلاش
فاكر الاتحادية .. لما الظباط كانو بيحمو نظام الاخوان
فاكر لما الناس اتضربت فى المقطم
كل ده صعب جدا انا عارف بس  الشيئ الاكيد اللى انا طلعت بيه انها كانت لعبة على السلطة واللى عمره ما اتنازل عنها العسكر طول حياته

بس الاكيد ان فيه ناس ماتت من العسكر والاخوان
و الداخلية كانت سلاحهم
الداخلية دائما و ابدا كانت سلاح السلطة

الى اخوتى فى الدم +2

كل شيئ مبنى على مفيش واحنا عارفين ده

بس لازم تصنع منه شيئ جميل ....

لم اتصور اننى سوف افكر كما تفكر انت ايها الصديق ....

عندما كنت انظر اليك وانا تحت اقدامهم و عينى تيجى مش راضية تتشال من عليك ...

الندم على شيئ مر عليه الزمن لا يجوز ....

كانت تجربه و اتعلمت منها كويس اوي ......

اخوتى اللى كانو معايا فى فى وسط الدم هما بس اللى ليهم الامان ....

كله عدم يا رفيق ....

                           اتمنى ان تلغى عقلك الذى يجعلك تفقد مشاعرك نحو اخوتك 

إلى اخوتى فى الدم

فى البداية احب اقول اننا قليلون فى هذه اللعبة القذرة . والوضع الان مرتبك للغاية و بدونك انت لن يتغير شيئ

فكلاهم يحتجونك و نبدأ بالاطراف ....

1. الاخوان :ـ لديهم {سلطة.رأس مال}

نتكلم الاول عن السلطة ::::: السلطة تشرع قوانين تحميها,وتضلل الشعب بالاعلام,وتعذب فى السجون,وتقتل المعارضين الحق,وتسجن من يفهم من هم,وتقسم ارضك كما تشاء,وتبيع ارضك وعرضك .

رأس المال:::::عمرك ما سألت ازاى هما مسيطرين على كم الشركات ديه و بيبيعو و يشترو فى البشر و يشترون سلاح خاص بيهم و يحتلون اراضى و هم يتبعون لنظام يستعد من من عشرات السنين للحكم , و هم الان تقريبا مسيطرين على نصف الشرق الاوسط .

المعارضة المصتنعة :- {الاحزاب السياسية,الحركات الفعالة}

الاحزاب هدفها الوحيد الايستيلاء على السلطة و من ثم سوف يصبحون نظام يقهر معارضيه , {ما هى الاحزاب التى لم تجلس فى حوار مع السلطة الحاكمة ؟  الاجابة :- جلسو جميعهم ليصبحو جزء من النظام و هم يتظاهرون بأنهم معارضة ...

الحركات :- مع احترامى لكل شخص فى اى حركة انت مستغل . فتلك الاحزاب التى ذكرتها لها علاقة بقياداتك فى الحركة  على و تحركهم للاستيلاء على السلطة , فنرى ان القيادى فولان و القيادى العلان استقال من الحركة و انضم إلى حزب ..... لان ولائه لتيار معين و يعرف ماذا سيفعل . كلهم يريدون ان يستغلون انا و انت ...

اليسار :- لا يوجد احد هنا


المعارضة الموالية لنظام العسكر و مبارك :-

هم من كانو يشتموك قبل سنة و نصف لانك كنت تعارض نظامهم و دلوقتى بيقولو ايد وحدة ..بص بقى هما مش عاوزين غير انهم يكونو كده . كلاب السطة

الاحزاب الاسلامية :- {الجهاد الاسلامى,حزب النور,انصار ابو اسماعيل}

كلهم فى مركب واحدة و هيا مركب الدين

الجهاد الاسلامى :- الجهاد مش انك تحارب ابن دينك لمجرد ان قياداتك مش عارف توصل للكرسى , الجهاد مش انك تكفر كل واحد مش عاجبك , الجهاد مش انك تقتل واحد مع واحدة فى الشارع , الجهاد مش انك غليظ القلب و لا تتسامح ... التسامح من صفات الاسلام يا خى

حزب النور :- حزب يعنى نفوذ , يعنى عاوز سلطة , يعنى هتلعب سياسة , و توصل للحكم و تظلم زى اللى قبلك .. بس الفرق انك بتلعب بأسم الدين

انصار ابو اسماعيل :- ضد حكم العسكر , مع الاخوان , مع الثوار لحد العباسية , و هوب لما لقو صفقة عملو حزب و بقو بينزلو انتخابات و بقى ليهم صوت عالى ولسه بشتمو فى العسكر اللى ادى السلطة للاخوان و اللى هما معاها .....


الوحش .... المجلس العسكرى :-

حماة الوطن فى الداخل والخارج .

ده كلامهم و اللى يعارضهم مكانو س28 او المشرحة او فى الزبالة او فى السجون ,

مجازر الوحش ...

8ابريل , ماسبيرو . محمد محمود . مجلس الوزرا , بورسعيد . العباسية


الداخلية  :-  سلاح كل دول

فى اخر الكلام احب اقول اننا انضف من كل دول ,,,, نعم نحن لا نريد سلطة او نكون عبيد او نقتل من يعارضنا او نسجن..

انتم وقودها الحقيقى من اول ازازة الخل لحد الفتيلة ... انتم من ستصنعون امجادكم .... انتم من ستحققون احلامكم .... انتم القادمون من تحت الانقاض ... انهضو يا من لا يعرفكم احد .... اخرجو من الظلام و انيرو الطريق و ابعثو فيه الامل .. اخرجو ضد انظمتكم و اوقدوها بدمائكم حتى يعرف الناس السطلة مرض و انتو الدوا افكاركم دوا و عقولكم دوا و حلولكم دوا ...
اصنعو عالمكم الخاص 

افهم قبل فوات المعاد

فى البداية احب اقول اننا علشان نوصل لازم نفهم كل قوانين اللعبة .

اللعبة من البداية فى اب و ام حلو . امك بترضعك علشان تكبر و تفهم  ابوك بيصرف على البيت علشان يبقى فى نظر الناس راجل اللبيت  وبعديها تبدأ فى الوعى اول ما تحبى و تبقى بتمشى على ركبك تبدأ تتعلق بالناس الى حوليك من غير اى سبب و لا دافع و لا مصلحة . هوب بقى عندك 4 سنين ولازم تروح الحضانة ومش لازم تعرف ليه بس علشان ابوك بيحبك و خايف عليك و هوب تروح اول يوم المدرسة خايف و مكسوف و بتعيط و هوب تنجح و بابا و ماما فرحانين اوى و تخوش السنة الى بعديها و تنجح و فى البيت تبقى التلميذ الشاطر الى مشرف اهلك و هوب تبقى فى سنة رابعة و تكبر شوية و تبدا تحب بنت فى الفصل او الفصل الى جمبك و اعتقد ان ده احسن حب فى الكون و تبقى نفسك تتجوزها بس مش عارف ليه بس علشان كل حاجة فى حياتنا جواز و يبقى نفسك يكون عندك اولاد و بس وفى السن ده طبعا مش عارف الاولاد بيجو ازاى و هوب تلاقى نفسك بتبعد عن البنت الى بتحبها علشان دخلت اعدادى و صحاب جديدة و غالبا احسن صحاب بيكملو الى كانو معاك فى ابتدائى و تبدا تعرف كل حاجة حوليك : سجاير.بنات.معاكسة.هروب.تسرق فلوي الدروس من ابوك.تضحك عليهم فى البيت.و تكبر و تبقى شباب و نفسك فى بنت الحلال ههههه مش اوى الموضوع ده لان حلم كل شاب بنت يبقى معاها و خلاص حتى لو كانت عاهرة دى فترة نضوج يا جدعان و هوب تلاقى ثورة وناس بتموت وانت يعنى لسه مكملتش 16 سنة و هوب تدخل جوه اللعبة بمجرد انك تشوف دم بعينك و محدش دخل اللعبة بمزاجه . المهم عندك 16 سنة و شايف ناس بتموت و مطلوب منك تبقى الطالب الشاطر الى كان بيتعلم ان مبارك صاحب الضربة الجوية الاولى .{ ياولاد الشرموطة} . وهو كان جزء من النظام الى قتل واحد قدامى يبقى اصدق مين عينى ولا المجتمع و الناس و المدرس الى من غير درس مش هيشرح اى حاجة و لازم تاخد درس . يمكن علشان كده مكملتش . المهم : ابويا قال السكة دية اخرتها وحشة و هتتعبك و ممكن تمون او يحصلك حاجة وحشة . كلام كتير متقتنعش بيه ابدا لانك شفت الحقيقة و تسمع فى التليفزيون ان فيه مسيرة للنساء علشان ست البنات و هوب تلاقى ابوك بيقول الستات دول بميت راجل {احا}ليه كده يا حاج منت كنت بتقول السكة دى و حشة . المهم تلاقى اعلامى طالع يشتم فى النظام و بيحرض على اسقاطه فتفرح بيه و تسقف . بس لو بصيت ازاى الاعلام ده بيقول الكلام الى بيطلع يضحك بيه علينا اولا بياخد الامر انه اعلامى من وزارة الاعلام . او النقابة . وتصريح القناة من مدينة الانتاج التابعة لوزارة الاعلام و يطلع يشتم فى النظام سبحان الله منت واحد من النظام ..... لازم نفهم ايه اللعبة بس صدقنى لو فهمت هتتعب و الحقيقة دايما مرة و وسخة و كلها خرى . مثال تانى . عندك فى المنطقة ديلر لسه طالع من السجن و ده طبيعى فشخ لأن دخلو الديلر التانى السجن و تلاقيه واقف على النصية برنس ولا حد بيكلمه و ياه بقا لو حصلت خناقة بتشوف افلام و المفروض اننا نكون فى امان من الحكومة الى بتحمينا هيا الى بتبيع المخدرات على النواصى بطريقة او اخرى و بتحرم الحشيش و بتبيعه {ازاى} مش لازم يا عم المهم نشرب السوجارتين والدنيا بعد كده تولع بس لو فكرت للحظة ازاى الحكومة هيا الى يتجيبلك الحشيش و بتعدية على الميناء التابعة للحكومة و هوب تلاقى شحنة اتمسكت و الاعلام كله يتكلم عليها و بيضحكو علينا يا برنس لو شحنة اتمسكت كام واحد اتهربت سيبك ما كله راجع لينا علشان نشرب السوجارتين . احا بقى . احنا كدا شغالين للنظام فى كل شيئ اكل و شرب و لبس و نوم و نزول و طلوع و موت و مستشفيات و فكر و تكنولوجية و افكار و كتب و منظومة و افلام و لعب و سجاير و سلاح و ايه تانى  قولى ....

 المنظومة عايزة كل ده يحصل . ناس تموت علشان نظام يسقط و يركبو نظام تانى يخدمهم و يفهمونا انه الثورة .
بس كلمة المنظومة تشمل كل شيئ حولك و هيا من تضع القوانين عليك و لازم تطبق علشان ساعتها مش هتعرف تاكل ولا تشرب و هتموت . افهم ايه بقى انا . انى ابن المنظومة بس شفت المنظومة بتقتل و لازم اتمرد عليها . كبير شوية ديه . والنبى انت لو شفت امك قتلت حد قدامك مش هتخاف منها. فكر كده و اوصل لتحليل و لازم تفهم 

اصدقاء بمعنى الكلمة

إلى افضل اصدقائى اكتب 

لقد كنت فى حاجة إلى احد يحذرنى من هذا الطريق . 

الطريق الظالم الذى يمر به هذا الجيل باكمله وهو 

 

       طريق الادمان 

اول مرة كان نفسى اجرب الحشيش و البيرة كانت مع صحابى و مرضيوش يخلونى اعمل كده معاهم . و من ساعتها وانا قولت لازم اشرب قدامهم و اسبتلهم انى اقدر اعمل كده و من غيرهم , واخليهم ميعتبرنيش مجرد طفل او اندر ايدج زى ما بيقولو , كان نفسى اسمع كلامهم و مشربش الحجات دى خالص بس النفس فعلا امارة بالسوء , و بدأت الطريق بشرب البيرة مرة واتنين و تلاته و مكنتش لسه شربت حيشيش , اول مرة اشربه محسيتش بأى حاجة كأنى بشرب سجارة عادية و حسيت بالملل  ... و تانى مرة كان كده بردو , كان نفسى حد افضل اشرب و اضرب اى لحد ما اموت منهم فعلا لما يسيطر عليا اليأس و الفراغ و الملل و العيشة الى عايشها و الابتعاد عن الاهل و الاصحاب الى بجد بتضيع كل حاجة , مفيش حاجة تستاهل انى اعيش علشانها , الكلمة الى كانت بتتردد جوايا دايما , لحد ما جه يوم و سكرت فيه و بقيت مش عارف انا مين و بعمل ايه و ريحة بقى قذرة و بقيت مش عارف اسند طولى او اتكلم , وكل ده علشان كنت غلط و حبيت بنت , يمكن انا مفهمتهاش او هيا الى مفهمتنيش مش مهم , المهم انى عرفت انى مينفعش اضحى بصحتى علشان اى شيئ لان طريقنا طويل , 

                          شكرا لاصحابى الى منعونى اول مرة و مفهمتش ده ودخلت الطريق عند

                         شكرا لاصحابى الى عرفو يوقفونى عن هذا الطريق              {اخوة فى الدم}